有趣的洗手間
2008年06月30日今次的內容比較適合男性，因為今次會講的，是男洗手間內的一個有趣設計……不如比張圖大家睇下先啦，大家覺得呢張圖有咩地方有問題？
有問題？有問題嗎？咪又係廁所一個，咁廁所裏面有馬桶同埋尿兜有咩問題？一切正常……
唔，如果係男性的話，一見到呢張圖開始大概都覺得無乜問題，不過再睇多陣就應該知道問題所在了……
不如大家設想一下，如果大家用尿兜解決的話，會是怎樣的情況？
如果見到有個人在左邊第二格解決中的時間，你會去那一格？
呀，開始發現問題了吧……無錯，問題就是，「尿兜太密集了」。
實不相暪，這是一個酒樓的洗手間，我都係今日先至去呢間酒樓的。
食飯食到咁上下，離開前當然要去洗手間解決一下，唔係唔知幾時先有得再去，這大概很多人都認同的想法吧，加上我做的一行，我的服務對象，就令我更注意這個想法了。
今日食完飯，臨走前，先去解決一下。一入到去，見到有個男人在左邊第二格解決中。原本見到仲有三格咁多，諗住走埋去是但用一格，點知走到埋去，三格都用唔到……
最左邊的一格，不用說，一個男人的身軀已遮了大半，要擠入去，咪大家辛苦，無謂啦……
右邊第二格，理論上同最左邊一格的結果一樣。這樣，只剩下最右的一格了……只是，最右的一格……
大家請看看最右一格的下方，牆邊係有條「肩」走左出黎的。這個「肩」，看看大細，又佔左個尿兜差唔多一半位置……
也就是說，如果我要用最右那格的話，一係我就屈住隻右腳咁「攝」入去，一係就舉起右腳放在肩上再解決……咁樣邊度去得爽架……
最後，我還是等那個男的解決完離開才使用……
有時真係唔係好明，咩人設計到咁。
這個空間，實際上只可以容納兩個位，但就放了四個，不過又唔係四個可以一齊用喎，咁整四個黎做乜呢？
整到咁，又浪費金錢，又浪費食水，真係一舉多失……
如果叫佢地整過，唔知會變成點呢……
(00:02 30/6 總之，有得解決最緊要……舒服晒……)
Posted in: 生活 |
回應(4) | 回應的RSS | 暫時未有引用通告| 
(0)
2008 七月 1 at 11:59 pm 第一同埋第三格可以俾d特長既人用！
2008 七月 3 at 10:09 pm 射程特長的人嗎？
2008 七月 9 at 10:32 pm 唔怕"反彈"嗎?
2008 七月 10 at 12:39 am 反彈？
唔係好明……