有趣的用具2

2008年07月05日

大家還記得這個東西嗎？

之前叫大家估下呢個係咩黎，點知黎黎去去都係得一個人估左……

係因為大家唔想答我呢d咁無聊既問題？還是大家都同意那個人的答案？

唉，算啦，開估啦……

答案就係……

無錯，就係用黎裝蕉的盒了。只是，本人已經驗證過，唔係所有蕉都可以放到入去的。例如「直」蕉就入唔到，大蕉都入唔到，要fit都入去都唔係隻隻得。

入的時候亦有技巧。唔可以由尾入，要由頭入先得，即係有「掟」那邊……如果唔係，蕉既弧度係fit唔到的。有時一邊入，一邊會見到d蕉角位比個盒磨緊，咁d蕉屑就咁落在枱上了。

其實我覺得這個東西頗有趣，推想落去，唔知有無d檸檬形既「檸檬盒」(隨時準備請人食檸檬……)，蘋果形既「蘋果盒」(方便大家履行『一日一蘋果，醫生遠離我』)，西瓜形既「西瓜盒」(呢個勁，拎都拎死，哈……)，再唔係就榴槤盒菠蘿盒(呢個好，唔駛驚比佢拮到)，士多啤梨提子荔枝龍眼盒(咁細粒，要拎幾多個先夠？)

(5/7 23:21 話說回來，我都係一個喜歡蕉的人呢……)

Posted in: 生活 |
回應(6) | 回應的RSS | 暫時未有引用通告| (1)