八號風球？唉……
2008年08月08日大家喜歡「八號風球」嗎？
我相信這個問題的答案，不論是讀緊書定係打緊工既人，大多數都會答「喜歡」。點解？可以免費咁多一日假期，休息一下，誰不喜歡？只是，剛剛的一個八球風，卻令我哭笑不得……
當日，早上9點幾就給亞媽吵醒，而吵醒人的原因，只係想問下中午食唔食飯……要到我問亞媽，她才把最重要的事告訴了我：「係呀，宜家打緊八號風呀，所以入黎問下你食唔食飯，等你食完飯下午返工嘛……」呀……
雖然係八號風，不過一點高興都沒有，因為當日我係返2:00p.m-9:30p.m，即係話如果個風係6:30p.m之前落的話，我都要返工，宜家先至9點幾，應該都無乜可能會掛到咁耐吧。
唉，既然醒左，就起身開電腦上下網。一開MSN，又幾多人ONLINE喎，而在眾多ONLINE的人中，連平時絕少見到的都有ON，咁難得當然要CHAT下啦。
唉，不過可以CHAT得幾多？CHAT左一陣你走人地都要走，就此傾完。
之後就打電話恭喜中心的同事，因為打風佢地ESSENTIAL STAFF有EXTRA PAID，有OT攞，仲有餐免費飯食，超級服務，所以都幾開心的。算啦，上次我食正八號風一次，佢好唔開心，今次到佢食正，佢就超級開心啦。
之後的時間，完全唔知做乜好……
出街嗎？外面橫風橫雨，又唔係話特別安全，……還是留在家中算了……
訓覺嗎？雖然最好同最方便的一個做法就係訓，不過要STAND-BY隨時返工，又唔知幾時會比電話吵醒，真係唔訓好過訓……
最後，真係無聊到要走上天台吹下風睇下景的……
打風，其實真係令人乜都做唔到的……
最後，個風五點幾就落左，我呢D收得夜既人還是要兩個鐘之內返到工作崗位……
哈，終於有野做了，好了吧？
唉，其實返到去返得幾粒鐘，都唔知返去做乜？
真係除左做下文件之外，呢個鐘數返到去會有咩工作心情？原本諗住開組，不過唔夠時間準備，又要延遲先開得……
為左呢幾粒鐘，又用左我幾多時間？幾多車錢？
唉……
(00:53 9/8 嘥氣……)
Posted in: 生活 |
回應(5) | 回應的RSS | 暫時未有引用通告| 
(0)
2008 八月 9 at 5:39 pm 灰左小小wo你
車錢又冇俾多, 咪當平時番工咁計lo ~做小d野咪當放下假輕鬆下lo ~ =]
果日我不知幾開心 =p 留響屋企睇下出面d風景,超讚!
因為我好鐘意橫風橫雨既日子 =] 嘻!
我覺得,就算果日洗唔洗番工,你都會有相同既心情吧? =]
唔係8號仔問題,係你個心唔平靜者~
2008 八月 11 at 10:38 pm 如果現實d去睇的話，閣下的話的確沒有錯，不過當日真係有種「唔知做乜好」既感覺……
如果有返工的話，我諗我會有好明確既野比我去occupy，咁就唔會有呢種感覺了……
人呢，真係要不斷咁搵目標先得呢。唔知自己想點，其實幾痛苦的呢。
睇風景，我都好鐘意，如果可以對住一個由高向低或者開揚既地方就更正，可惜我屋企「四面環樓」，可以望到一條長長的街及附近的一個山頂已經算是不錯的了。
2008 八月 14 at 4:07 pm 我響度諗緊,到左你60幾歲要退休時,你會唔會好囉囉亂- -
ps.我搵唔到目標n耐了...我指職業方面,唉 -_- 煩緊第時響大學揀咩科好...好彩e+仲有d短期目標confort下自己
細聲說:其實我有諗過做社工,因為我鐘意幫人
其實我有諗過好唔好得閒就去公園坐下望下風景.不過我又怕人地對我投下奇怪既目光= = 呢d野不嬲由上左年紀既人黎做架ma...人地如果見到個後生女坐左響度望天,唔知會點諗... -_- 無奈無奈!
2008 八月 14 at 11:55 pm 如果理論d去睇的話，一個人到左退休年齡時真係好多時都囉囉亂亂的，不過我會知我可以做d乜而令自己無咁囉囉亂，呵……
其實「份外辛苦」並唔係傳說，係事實黎架，始終呢個唔係一個好受社會專重同認同既尊業，所以條路真係唔易行的。不過如果妳真係想入行的話，我都好樂意分享多一些給妳聽的。
唔係呀嘛，去公園坐都有年齡之分架?如果妳enjoy望天，妳望得開心咪得囉，理人咁多做乜?唔通真係要世界上所有人都認同妳所做既野先至去做咩?無可能的嘛。
希望某日會在某個公園撞到正在望天既妳啦，哈……
2008 八月 15 at 6:05 pm 咁你要等多....40年=v=
到時我都有番咁上下年紀
ps.即使我享受望天,但我唔享受俾人奇怪地望住既感覺嘛-3- 我唔介意人地響個腦果度點諗我,但我介意果種"電死你"既眼神-v-"
2008 八月 16 at 11:57 pm 我就話退休者，妳應該仲有幾年先退喎，咁即係仲可以貢獻社會啦。
可能妳唔係咁習慣比人望啦，我因為生得高，所以成日比人望，望望下就慣晒的了呀……